المقادير..3 بيضات
علبة زبادي
كأس دقيق
نصف كأس سكر
نصف كأس زيت
ملعقة صغيرة نسكافية
ملعقة بيكنج باورد
فانيليا
طريقة التحضير
أول شيء حطي البيض ورشة فانيليا واخفقيهم بالخفاقة الكهربائية الين تزبد
وبعدين حطي الزبادي واخفقيهم مع بعض الين تتجانس ..
بعدين حطي بقية المقادير وأخفيقهم مع بعض
واخر شيء تحطينه الباكينج باودر ( طريقتي كذا انتوا براحتكم
جيبي صينية ( إستخدمت بايركس ) مدهونة بزيت وحطي فيها الكيكة وساويهم زين ودخليها الفرن
أنا دخلتها على 130 درجة وخلييتها نصف ساعة وبعدين فتحت وتأكدت إنها نضجت
يعني زي الكيكة العادية
إما من فوق لكِ مطلق الحرية .. إما تحمرينها أو تلذعينها لذعه بيسيطة ( يعني ماتاخذ لوون )
أو لاهذي ولا هذي أهم شيء تنضج
أنا أفضل الثانية بس هالمرة حمرت معي خارج عن إرادتي
المهم وقت ماهي في الفرن عليكِ تجهزين الطبقة الثانية والثالثة
الطبقـة الثانية
باكيت بسكويت شاي
ربع علبة نستلة مركز
أول ماتطلعين الكيكة من الفرن ساقي الكيكة بالحليب وبعدين كسري عليها البسكويت كسر متوسطة
3 طبقه
خذي باقي علبة النستلة
مع 6 حبات جبنة كيري واخلطيهم
( أول شيء جبنة الكيري عشان تذووب زين .. بعدين حطي النستلة )
وبعدين غطي فيهم الطبقة الثانية ودخليها الفرن
و.. خليها ع الحرارة السابقة .. عشان كذا قلت لك جهزي الطبقتين
وقت ما الكيك في الفرن عشان ترجعينها الفرن ولسا مابرد
وخليها الين تتماسك الطبقة الثالثه
باكيت كريمة كراميل
نصف كأس ماء
ملعقة صغيرة نسكافه
حركيهم ع النار الين تغلي
وشيلهم بعيد عن النار واجلسي حركيهم الين تحسين الخليط بدأ يبرد
إنتبهي ماتبرد مرره عشان مااتتقطع عليكِ
وحطيها على الطبقة الثالثة .. خليها شوي برى الين تفتر وبعدين دخليها الثلاجة تبرد
وإذا بردت قطعيها .. صغار وحطيها في ورق بليسيه
أو كبار وخليها عادي في طبق
تذكيـر :لأي حلى إذا حيبيت في الثلاجة جيبي علبة بلاستيكيه المعروفة حقت
حفظ الأكل وحطيها فيه عشان ماياخذ الأكل طعم الثلاجة ويخرب
( ترى مو معلومة مجرد تذكير )
وبالف هناء وشفاء
الثلاثاء مارس 27, 2012 8:21 pm من طرف رامي ياسر
